Rreth nesh

VIZIONI

Instituti është pjesë kyçe e një shoqërie evropiane dhe prosperuese të Kosovës - shtëpi e debateve konceptuale dhe fushë betejë e ideve dhe mendimeve alternative, synim i te cilave është sfidimi i paradigmave të shoqërisë sonë dhe lëvizja e kufijve të njohurive tona.

MISIONI

Instituti ofron kontribut kyç për reformat evropiane si think-tank i pavarur dhe jo-fitimprurës, bazuar në vlerat e integritetit dhe ekselencës, gjithnjë duke ndjekur politika të mirëfillta publike me debat të hapur.

VLERAT

Në institut ne bëjmë punë serioze, por njëkohësisht qeshim shumë. Ne jemi një ekip me individualitete dhe karaktere shumë të ndryshme, por na bashkon besimi i palëkundur në gjashtë vlera themelore që na bëjnë një ekip.

Ne besojmë në vizionin tonë dhe punojmë me guxim dhe vendosmëri. Këtë e bëjmë me transparencë, integritet dhe pavarësi. Në veprimet tona ne mundohemi të jemi të saktë dhe të përkyer. Por më e rëndësishmja - është mirësjellja dhe përulësia e secilit prej nesh.

01 Integriteti dhe pavarësia

Themelet e institutit janë integriteti dhe pavarësia e hulumtuesve tanë. Deri sa, ne bashkëpunojmë me institucionet shtetërore dhe palët e tjera të interesit për zbatimin e politikave publike, në anën tjerër ne e konsiderojmë të shenjtë pavarësinë e stafit tonë.

02 Besimi dhe guximi

Në institut, ne i mbështesim idetë e reja dhe guximin për të besuar në to. Instituti është një vend ku gjëja e fundit që duam është që stafi ynë të jetë - i mirë. Ne duam që ata të jenë - më të mirët. Ne jemi në shërbim të interesit publik. Ne besojmë se politikat e mirëfilta publike mund të përmirësojnë jetën e përditshme të qytetarëve tanë. Prandaj, puna jonë nuk mund të jetë vetëm e mirë. Ose besojmë me gjithë zemër dhe japim gjithçka që kemi në ndjekjen e bindjeve tona ose nuk fillojmë fare. Në institut nuk bëjmë konsensus. Guximi për të besuar është thelbësor për progresin tonë dhe lëvizjen e kufijve të shoqërisë.

03 Kurreshtja

Truri sillet si një muskul. Në mënyrë që të rritet, ai duhet të sfidohet. Idetë e mëdha janë rezultat i sfidave të mëdha intelektuale dhe refuzimit kokëfortë të mediokritetit. Të qenit i rehatshëm intelektualisht është armik i progresit njerëzor dhe ekselences. Në institut ne e sfidojmë vetën që të jemi kurioz. Nuk kemi frikë nga dështimi. E përqafojmë atë. Vet dështimi do të hapë rrugën drejt ideve të reja dhe territoreve të paeksploruara që do të na pasurojnë si individë dhe do të zgjerojnë horizontet tona.

04 Zbatimi i detajizuar

Ne presim nga të gjitha ekipet tona të jenë të përsosur dhe të vëmendshëm në detaje. Të gjitha idetë e mëdha varen nga zbatimi i përsosur teknik. Ne kurrë nuk nën vlerësojmë fuqinë e detajeve teknike dhe nevojën për një burokraci të fortë, por efikase. Hulumtuesit tanë pritet të marrin pronësinë e plotë mbi punën e tyre dhe të qëndrojnë pranë rezultateve të tyre.

05 Mirësjellja

Para gjithash ne jemi zonja dhe zotërinjë të sjellshëm. Ne kujdesemi për çdo anëtar të ekipit tonë. Në institut na bashkojnë parimet dhe vlerat tona të përbashkëta. Ne besojmë se ofrojmë një kontribut të vogël në ndryshimet progresive në interes të shoqërisë sonë dhe këtë mund ta bëjmë vetëm si ekip. Ne i trajtojmë me respekt dhe mirësjellje partnerët dhe miqtë tanë.

06 Transparenca

Përkushtimi i Institutit për transparencë nënkupton që ne faqen tonë publikojmë të gjitha informatat për projektet të cilat zbatojmë. Kjo nënkupton informatat mbi progresin në zbatimin e projekteve dhe informatat financiare. Llogaritë tona auditohen në mënyrë të pavarur. Ne detajojmë nga ku vjen çdo cent i buxhetit dhe raportojmë shpenzimet përgjatë linjave buxhetore. Pasqyrat financiare tregojnë qartë çfarë kontribuoi secili donator në një vit.